કોરોના અપડેટ / વર્લ્ડ:વિશ્વભરમાં 30 હજાર લોકોના જીવ ગયા, માત્ર યુરોપમાં 20 હજારના મોત; કેનેડાના પ્રધાનમંત્રી ટ્રૂડોની પત્ની સાજી થઈ ગઈ

કોરોના અપડેટ / વર્લ્ડ:વિશ્વભરમાં 30 હજાર લોકોના જીવ ગયા, માત્ર યુરોપમાં 20 હજારના મોત; કેનેડાના પ્રધાનમંત્રી ટ્રૂડોની પત્ની સાજી થઈ ગઈ 

આંતરરાષ્ટ્રીય:વિશ્વના મોટા ભાગના દેશો આજે કોરોના વાઈરસ સામે લડી રહ્યા છે. વિશ્વભરમાં કોરોના વાઈરસના કેસ 6 લાખ 63 હજાર 740 થઈ ગયા છે. જ્યારે મૃત્યુઆંક 30 હજાર 879 થઈ ગયો છે. એક લાખ 42 હજાર 183 લોકો સંક્રમણ પછી સાજા થઈ ગયા છે. અમેરિકામાં પોઝિટિવ કેસની સંખ્યા એક લાખ 23 હજાર 750 એ પહોંચી ગઈ છે. જ્યારે મૃત્યુઆંક 2227 થઈ ગયો છે. ઈટાલીમાં કોરોના વાઈરસના કેસ એક લાખે પહોંચવા આવ્યા છે, જ્યારે અહીં મૃત્યુઆંક 10 હજાર પાર પહોંચી ગયો છે. વાઈરસની જ્યાંથી શરૂઆત થઈ હતી તેવા ચીનમાં કુલ 81439 કેસ નોંધાયા હતા. તેમાંથી હાલ માત્ર 2691 દર્દી જ સારવાર લઈ રહ્યા છે. ચીનમાં મૃત્યુઆંક 3300 હતો.

Advertisements 

ટ્રમ્પે કહ્યું હતું કે ન્યૂયોર્ક અને તેના પાડોશી રાજ્યોને ક્વારેન્ટાઈન નહીં કરાય

અમેરિકાના રાષ્ટ્રપતિ ડોનાલ્ડ ટ્રમ્પે કહ્યું હતું કે ન્યૂયોર્ક અને તેના પાડોશી રાજ્યોને ક્વારેન્ટાઈન કરવામા આવશે નહીં. તેમણે વધુમાં કહ્યું હતું કે કોરોના વાઈરસના સંક્રમણ વચ્ચે ન્યૂયોર્ક, ન્યૂજર્સી અને કનેકટિકટ માટે ટ્રાવેલ એડવાઈઝરી બહાર પાડવામાં આવશે. તેઓ થોડા સમય માટે આ રાજ્યોને ક્વારેન્ટાઈન કરવાનો વિચાર કરી રહ્યા હતા. વ્હાઈટ હાઉસમાં કોરોના વાઈરસ ટાસ્ક ફોર્સની ભલામણ અને ન્યૂયોર્ક, ન્યૂજર્સી અને કનેક્ટિકટના ગવર્નરો સાથે વાતચીત પછી મેં થોડા દિવસો માટે આ જગ્યાએ કડક ટ્રાવેલ એડવાઈઝરી બહાર પાડવાનું કહ્યુ છે.

કેનેડાના પ્રધાનમંત્રી જસ્ટિન ટ્રૂડોની પત્ની કોરોના વાઈરસના સંક્રમણથી સાજી થઈ ગઈ

કેનેડાના પ્રધાનમંત્રી જસ્ટિન ટ્રૂડોની પત્ની સોફી ગ્રેગોઈરે કોરોના વાઈરસનો ભોગ બન્યા બાદ સાજી થઈ ગઈ છે. સોફીએ શનિવારે આ જાણકારી આપતા કહ્યું હતુંકે મને હવે સારું લાગે છે. 12 માર્ચના રોજ લંડનના પ્રવાસ પછી તેને કોરોના વાઈરસનું સંક્રમણ લાગ્યું હતું. ત્યાર પછી પ્રધાનમંત્રી ટ્રુડો અને તોનો પરિવાર પણ આઈસોલેશનમાં હતો. કેનેડામાં અત્યાર સુધીમાં 5655 પોઝિટિવ કેસ છે અને 60 લોકોએ જીવ ગુમાવ્યો છે.

ઈટાલીમાં ત્રણ એપ્રિલના રોજ લોકડાઉન સમાપ્ત થાય છે

યુરોપમાં કોરોનાથી સૌથી વધારે પ્રભાવિત દેશ ઈટાલી છે. શનિવારે અહીં 889 લોકોએ જીવ ગુમાવ્યો છે. અત્યાર સુધીમાં અહીં 10 હજારથી વધારે લોકોએ જીવ ગુમાવ્યો છે. અહી કુલ 92472 કેસ પોઝિટિવ નોંધાયા છે. સરકારે અહીં 9 માર્ચથી 3 એપ્રિલ સુધી લોકડાઉનની જાહેરાત કરી હતી. દેશમાં છ કરોડ લોકો પોતાના ઘરમાં કેદ છે. ઈટાલીના પ્રધાનમંત્રી ગ્યુસેપ કોંટે લોકડાઉનનો સમય વધારી શકે છે.

સ્પેનમાં અત્યાર સુધીમાં છ હજાર લોકોના મોત

સ્પેન યુરોપનો બીજો સૌથી પ્રભાવિત દેશ છે. અહીં અત્યાર સુધીમાં છ હજાર લોકોના મોત થયા છે. કુલ 73235 કેસ નોંધાયા છે. અહીંની સરકારે 11 એપ્રિલ સુધી લોકડાઉનની જાહેરાત કરી છે. સ્પેને શનિવારે ચીનમાંથી 12 લાખ માસ્ક ખરીદ્યા છે.

કયા દેશમાં શુંસ્થિતિ છે તે જોઈએ

દેશ	કેસ	મોત
અમેરિકા	123750	2227
ઈટાલી	92472	10023
ચીન	81439	3300
સ્પેન	73235	5982
જર્મની	57695	433
ફ્રાન્સ	35575	2314
ઈરાન	35408	2517
બ્રિટન	17089	1019
સ્વિત્ઝરલેન્ડ	14076	264
નેધરલેન્ડ	9762	639
દ. કોરિયા	9583	152
બેલ્જિયમ	9134	353
ઓસ્ટ્રિયા	8271	68
તુર્કી	7402	108
કેનેડા	5655	60
પોર્ટુલગ	5170	100
નોર્વે	4032	23
બ્રાઝીલ	3904	114
ઓસ્ટ્રેલિયા	3809	14
ઈઝરાયલ	3619	12
સ્વિડન	3447	105
આયરલેન્ડ	2415	36
મેલેશિયા	2320	27
ભારત	987	24

અપડેટ્સ

શ્રીલંકામાં કોરોના વાઈરસથી પ્રથમ મોત નોંધાયું, અહીં 113 કેસ નોંધાયા છે.
ન્યૂઝીલન્ડમાં કોરોનાથી પ્રથમ મોત નોંધાયું, અહીં કુલ કેસ 514 છે.
અમેરિકામાં કોરોના વાઈરસથી પ્રથમ બાળકનું મોત.
યુનાઈટેડ નેશને અમેરિકાને અઢી લાખ સર્જિકલ માસ્ક આપ્યા.
વેટિકન સિટીમાં છ લોકોનો રિપોર્ટ પોઝિટિવ આવ્યા બાદ પોપ ફ્રાન્સિસનો રિપોર્ટ નેગેટિવ આવ્યો.
વધુ 275 ભારતીયોને ઈરાનથી પરત લવાયા.

B B K NEWS

#manishkansara

OWNER

Manish Kansara

6352918965

⚜️⚜️⚜️⚜️⚜️⚜️⚜️⚜️⚜️⚜️